رسالة من مواطنة من مدينة الطيبة ، تتحدث الرسالة عن الاوضاع بمدينة الطيبة

رسالة من سيدة طيباوية الى الاهالي بالطيبة

16/08/2008 21:23:18



وصلت الينا ، رسالة من مواطنة من مدينة الطيبة ، تتحدث الرسالة عن الاوضاع بمدينة الطيبة وبشكل خاص وضع البلدية ، ننشر لكم الرسالة كما وصلتنا : " مرحبا انا وحدة ،
من الطيبة ، بدي احكي عن الوضع واللي بصير بالطيبة ، اول شي رح ابدأ بالسكان المحترمين الي بطالبوا باعادة الانتخابات بدي اقول انو ليش ؟ شو السبب ؟ ، انتو اغلطتوا ليش ما بتعترفوا ؟ انتو بدكومش الغريب يجي ، طيب مهو الشيخ كان معو فتره انو ينسحب واذا انسحب كان ممكن انعيد الانتخابات ليش ما انسحب ليش ؟ اكيد لانو بحب الطيبة وبدوش يتركها مشان ما ينهشوها .. صح ؟!
على شو بتقاتلوا على شو بصير مشاكل بالانتخابات ؟ ليش ما بتقبلوا بالغريب اذا كان بدو يصلحكوم ليش بدكومش ؟
لانو ابن البلد بخلكومش تدفعوا ضرايب ولا ارنونا ولا اشي !!
طيب ليش لما الغريب يهددكم انو بدو يحجز عالبيوت بتدفعوا بسرعة .
ليش بتسمحوا انو سيارات الزعران تظل تلف بالشوارع وعند الثانويات والاعداديات ليش ولا زلمي بتحرك وبمنعهم ؟بدوا
ما بنعرف الا نحط هالصوت بالانتخابات وبنروح وبنقول احنا عملنا الي علينا !!
انا مش بدي انتقدكم مشان بس انتقد لاني لو هذا هدفي كان بطلع كل ايشي بتعملوه غلط ، بس الحقيقة في اشياء كثير مليحة لاهل البلد . ويا ريت اسمع تبريراتكم بالتعقيبات ". الى هنا نص الرسالة التي وصلت الى موقع بانيت وصحيفة بانوراما .

بارك الله فيك